3.28.2024

中環【鳥匠】日本人主理 炭燒串燒專門店

長假期前最後一個工作天, 放工後同事帶咗我去中環石板街呢間主打串燒店食dinner。


餐廳座位以吧檯為主, 環境光鮮企理。



餐廳所有串燒都由日本師傅主理, 以炭火燒製, 坐近吧檯仲可以見到師傅密密燒。


飲品方面有多款清酒、梅酒供應, 唔飲酒嘅我就揀咗呢杯【Fresh Lemon Sour】HK$78

味道有如冇氣嘅鹹檸七


【Tsukune】HK$48

免治雞肉棒表面燒至微微焦香, 口感軟嫩多汁, 蘸上蛋黃醬油, 口感更滑。


【Soft bone】HK$42

三角軟骨連帶少少雞翼, 口感爽脆, 加咗少少黑椒, 又焦香, 幾香口。


【Asparagus roll】HK$45

薄豚肉片包住露筍, 露筍爽脆多汁, 平衡了油香豚肉片嘅膩。


【Chicken wing】HK$48

雞翼已被去骨, 表面燒得金黃, 加咗少少鹽調味, 外脆內嫩, keep到肉汁。


【Skin】HK$45

雞皮燒得邊邊位帶點焦燶, 雞皮爽口不會過於油膩, 沾咗鹹甜燒汁, 正!


【Green onion roll】HK$48

薄豚肉片包住大量蔥段, 燒後帶少少油香, 既有層次又香口, 又能平衡豚肉嘅膩。


【Engawa part gizzard】HK$45

非常爽口, 可能預送酒食, 所以味道特意調得鹹咗少少。


【Corn】HK$38

粟米清甜多汁, 散發陣陣炭燒香。


【Chicken soup udon】HK$88

奶白色湯底, 濃郁香甜, 烏冬吸咗湯汁, 又林又滑, 配有大量京蔥食, 香口美味。


【Matcha ice cream with black honey & kinako】HK$58

份量令人好滿足! 脆餅夾住兩球綠茶味雪糕, 加咗少少黃豆粉同埋黑糖醬, 整體唔會太甜, 正!


.

鳥匠 

中環雲咸街79號夏利里拉行地下低層

.


尖沙咀【Starò】夢幻星空主題打卡Café

尖沙咀夢幻星空主題打卡餐廳, 部份座位呈星空天幕,


既浪漫, 又頗有私人度; 食物由前五星級酒店主廚主理, 

供應即開生蠔、活海鮮、手工意大利麵、Pizza等… 仲有多款特色cocktails。



【生牛肉他他】HK$178

牛肉他他嫩紅新鮮, 撈入生蛋黃、洋蔥粒等配料…口感濕潤, 肉質鮮嫩冇筋, 配有自家制脆多士, 雙重口感, 正!!


【鮮拆蟹肉牛油果芒果卷】HK$178

軟滑牛油果片包住了梳梳蟹肉同埋些少芒果肉, 鮮甜中帶點果甜, 配有甜酸汁醬嘅沙律菜, 清新美味。


【西西里紅蝦手工幼蛋麵】HK$388

紅蝦超大隻又肥美, 爽口度十足! 蝦頭中嘅蝦膏擠出, 大量甘香鮮味蝦膏混入麵餅中, 令有如伊麵口感嘅幼蛋麵, 啖啖鮮味。 


【即刨意大利黑松露牛肝菌水牛芝士手工薄餅】HK$188

薄批要趁熱食, 芝士味極為濃郁, 牛肝菌清香突出, 配上大量火箭菜, 因為沒有加任何醬汁, 稍為乾身咗d。


.

Starò

尖沙咀諾士佛臺1號9樓

.

觀塘【Be Leaf】打卡餐廳 水準有提升

放工返觀塘探舊同事, 順便一齊食個dinner。返回舊時經常去嘅打卡飯堂---Be Leaf, 食個dinner吹下水。


環境跟幾年前冇咩變, 門口角落嘅打卡位依然存在, 但有所不同嘅….係食物質素, 幾年前覺得呢度嘅野食一般, 但今晚嘅食物水準果然提升唔少。





【火灸油甘魚配熱帶水果醬】HK$78

火灸油甘魚刺身只有7成左右熟, 食到些少刺身口感, 兩重口感配上熱帶水果醬, 充滿清新果甜又美味。



【原隻赤海蝦刺身香濃蝦汁意大利麵】HK$148
三隻肥美爽甜赤海蝦刺身, 意大利麵平均沾上了蝦汁, 鮮香味十足!



【炭燒慢煮香酥羊西冷配自家製泰式酸甜醬】HK$238
羊西冷切成一口一件size, 色澤粉嫩, keep到肉汁, 有淡淡羊羶味, 唔會太濃烈,配上泰式酸甜汁, 平衡到羊羶味, 更易入口;



【法式焦糖卡士達梳乎厘班戟】HK$128
即叫即焗, 上檯時已見梳乎厘班戟躺下躺下, 口感極為輕盈鬆軟綿密, 散發淡淡蛋香蛋甜味, 食落有少少濕潤, 淋了滿瀉嘅卡士達醬, 令口感更順滑, 蛋甜味更突出。



【士多啤梨牛油果沙冰】HK$55
口感順滑creamy, 士多啤梨味突出, 唔會太甜, 清新又健康。

【白桃紅肉火龍果沙冰】HK$55
天然紅肉火龍果賣相, 加上火龍果乾, 賣相吸晴, 新鮮火龍果汁再加埋蜜桃汁, 果香味十足!



Be Leaf
觀塘敬業街55號皇廷廣場地下2號舖

天后【宴.鐡板燒】遠眺會展海景嘆鐵板燒

遠望會展海景, 又能欣賞到日落景色,

位於天后的鐡板燒店「宴.鐡板燒 」





晚市每位HK1380起, 今次就品嚐了

宴 Dinner set HK$1380/位

一次過品嚐日本刺身料理同埋鐵板燒, 豐富又飽肚。




前菜兩點:

包括有清甜多汁嘅北海道白粟米+螢光魷魚, 一咬爆出甘香蝦膏, 配上鹹甜麵豉,提升鮮香


佐賀蠔配柚子青檸jelly: 非常肥美, 清新爽滑, 蠔味極之濃郁


刺身兩點: 

爽滑甘香油甘魚腩、真鯛, 加咗淡雪鹽同埋白松露醬, 魚質好滑, 松露味好出


手卷: 

拖羅蓉疊上火灸右口魚邊、飯、鱈魚干

整件入口, 多重層次, 魚油味什濃, 鱈魚干清香鹹甜, 跟火炙右口魚邊嘅焦香好夾。


正式到主打嘅鐵板燒;

帆立貝配鮮海苔:

帆立貝煎至表面金黃, 淋上鮮海苔湯, 以自家醃三文魚籽點驟,

湯汁順滑, keep到帶子原本鮮味, 三文魚籽帶點鹹香亦不會過鹹。



沙巴虎蝦:

蝦爽彈鮮甜, 加左調味過嘅蝦膏, 鮮味十足, 蝦頭殼壓至扁, 脆卜卜好香口。



香煎鵝肝伴藍莓醬: 

鵝肝入口即溶, 油脂豐富, 有鵝羶味, 伴有藍莓醬, 平均一下油膩, 另有甘露煮過嘅黑豆。


套餐可自選美國和牛/西班牙黑毛豬

揀咗和牛, 和牛粒好林, 薄切和牛包住了蔥蒜, 非常香口。






黑松露蟹肉炒飯:

炒得粒粒分明, 加咗黑松露、蟹肉碎同埋蛋, 蟹肉被炒得似瑤柱絲口感, 很有層次, 仲散發陣陣松露香。



之後仲有炒雜菜、好濃郁鮮香嘅魚湯,



甜品就有巨峰啫喱, 滑do do, 好彈滑。


宴.鐡板燒 

天后電氣道54號亨環天后24樓

.

中環【鳥匠】日本人主理 炭燒串燒專門店

長假期前最後一個工作天, 放工後同事帶咗我去中環石板街呢間主打串燒店食dinner。 餐廳座位以吧檯為主, 環境光鮮企理。 餐廳所有串燒都由日本師傅主理, 以炭火燒製, 坐近吧檯仲可以見到師傅密密燒。 飲品方面有多款清酒、梅酒供應, 唔飲酒嘅我就揀咗呢杯 【Fresh Lemon...